ජනාධිපති මහින්ද රාජපක්ෂ මහතාගේ ආණ්ඩුව ලෝකයේ සෙසු රටවල් විසින් හුදෙකලා කළ යුතු බව හිටපු හමුදාපති සරත් ෆොන්සේකා මහතා පවසනවා. ජනාධිපතිවරයා බි‍්‍රතාන්‍යයට ගිය අවස්ථාවේ එරට අග‍්‍රාමාත්‍ය ඬේවිඞ් කැමරුන් මහතා ඔහු හමුවීම පවා නොකළ යුතු වූවක් බවයි ප‍්‍රකාශ කෙරුණේ. ජනාධිපතිවරයා මානව හිමිකම් සහ ප‍්‍රජාතාන්ත‍්‍රික අයිතීන් උල්ලංඝනය කරන ඒකාධිපතියෙකු බවද සරත් ෆොන්සේකා මහතා පවසනවා. ඒ මහතා ඒ බව පැවසුවේ බි‍්‍රතාන්‍යයේ ” ද ටෙලිග‍්‍රාෆ් ” වෙබ් අඩවිය සම`ග සංවාදයකට එක්වෙමින්. සිරගතව සිට ජනාධිපති සමාව ලබා නිදහස් වීමෙන් පසු ඒ මහතා ජනාධිපතිවරයාට සහ ආණ්ඩුවට එරෙහිව කළ ප‍්‍රබලම ප‍්‍රකාශයද එයයි. ශ්රී ලාංකිකයන් සියලූදෙනා අරාබි වසන්තයට සමානව නැගී සිටිය යුතු බවද ජනාධිපතිවරයා සහ ආණ්ඩුව ප‍්‍රජතාන්ත‍්‍රිකව පළවා හැරිය යුතු බවද ප‍්‍රකාශ කෙරුණා.
0 comments:
Post a Comment