උගත් පාඩම් හා ප‍්‍රතිසන්ධාන කොමිසමේ වාර්තාව පාර්ලිමේන්තුවට අද (16)ඉදිරිපත් කෙරුණා. ඒ සභානායක අමාත්‍ය නිමල් සිරිපාල ද සිල්වා මහතා විසින්. අමාත්‍යවරයා පැවසුවේ කොමිසම මගින් ඉදිරිපත් කර ඇති සියලූ නිර්දේශ රජය පිළිගන්නා බවයි. දේශපාලන පක්ෂ පොදු සතුරු ආකල්පයෙන් බැහැරව ජාතික ප‍්‍රශ්නවලදී පොදු එකඟතාවයේ තීරණ ගත යුතු බවට කොමිසම ඉදිරිපත් කර ඇති නිර්දේශයටද රජය එකඟ වන බව අමාත්‍යවරයා සඳහන් කළා. මතභේදයට තුඩු දී ඇති වීඩියෝ දර්ශනවල සත්‍ය අසත්‍යතාව සම්බන්ධයෙන් ස්වාධීන විමර්ශනයක් සිදු කළ යුතු බවට කොමිසම නිර්දේශ කර තිබෙනවා. එලෙස ඉදිරිපත් කර ඇති සෑම කරුණක් සම්බන්ධයෙන්ම මතුවන සැකය දුරලීම සඳහා සත්‍ය හෙළිදරව් කරගැනීම රජයට අතිශයින්ම වැදගත් බව නිමල් සිරිපාල ද සිල්වා මහතා පැවසුවා. එබැවින් වාර්තාවේ ඇති සිද්ධීන්ට අදාළව සත්‍ය තොරතුරු එක්රැස් කිරීමේ හා ඇගයීම සඳහා යාන්ත‍්‍රය සකස් කොට ඊට ශක්තිමත් විමර්ශන ව්‍යුහයක් සැකසිය යුතු බවද ඔහු අවධාරණය කළා. ඉඩම් ගැටලූ සම්බන්ධයෙන්ද කොමිසම නිර්දේශ කිහිපයක් ඉදිරිපත් කර තිබෙනවා.
0 comments:
Post a Comment