තරග පාවාදීමක් සදහා ශ්රී ලංකාවේ ක‍්‍රිකට් ක‍්‍රීඩකයෙකුට ඉන්දීය රුපියල් කෝටි 10 ක් ලබාදුන් බවට බුකීකරුවෙකු වන සෝනු යෝගේන්ද්‍ර හෙවත් මලාත් ඉන්දීය පොලීසියේ අපරාධ අංශයට ප‍්‍රකාශයක් දී තිබෙනවා. සෝනු යෝගේන්ද්‍රත් තවත් බුකීකරුවෙකු වන දේවේන්ද්‍ර කොතාරී හෙවත් බයියාජී ද ඉන්දීය පොලීසියේ අපරාධ අංශය විසින් පෙරේදා අත්අඩංගුවට ගැනුණු බවයි ”ටයිම්ස් ඔෆ් ඉන්ඩියා” වෙබ් අඩවිය පවසන්නේ. ඔවුන් ළග තිබූ ලැප්ටොප් පරිඝනක, කටහඩ පටිගත කිරීමේ යන්ත‍්‍ර, ජංගම දුරකතන 25 ක් සහ ඉන්දීය රුපියල් කෝටි 05 කට වැඩි මුදලක්ද පොලිස් භාරයට ගැනුණු බව පොලීසිය පවසනවා. ප‍්‍රශ්න කිරීම්වලින් හෙළිව ඇත්තේ ඔවුන් පාකිස්තානය කේන්ද්‍ර කරගත් බුකී ජාවාරමක සාමාජිකයන් බවයි. ඔවුන්ගේ ඔත්තුකරුවන් ඇෆ්ගනිස්ථානයේ, දකුණු අප‍්‍රිකාවේ, සෞදි අරාබියේ සහ ඉන්දියාවේද සිටින බව තහවුරු වී තිබෙනවා.
0 comments:
Post a Comment