හමුදාවෙන් පළාගිය 10 දෙනෙකුට වැටුප් හා නවාතැන් සපයා දී රාජපාක්ෂික භාවයෙන් ඉවත් කළේයැයි හිටපු හමුදාපති සරත් ෆොන්සේකා සහ ඔහුගේ ලේකම්වරයෙකු වූ සේනක සිල්වා යන මහත්වරුන්ට පනවා ඇති නඩුව කොළඹ මහාධිකරණයේ දී අද කැදවනු ලැබුවා. මහාධිකරණ විනිසුරු සුනිල් රාජපක්ෂ මහතා ප‍්‍රකාශ කළේ එම නඩුව ලබන මස 21 වනදා සිට දිනපතා විභාගයට ගන්නා බවයි. සුනිල් රාජපක්ෂ මහතා ඉදිරියේ නඩුව විභාගයට ගැනීමට විරෝධතාවක් නොමැති බව සරත් ෆොන්සේකා මහතා විත්ති කූඩුවේ සිට ප‍්‍රකාශ කළා. නීතිපතිවරයා විසින් අධිකරණයට භාරදුන් අධිචෝදනා පත‍්‍රයේ අධිචෝදනා 41 ක් ඇතුළත්. විත්තිකරුවන් වන සරත් ෆොන්සේකා සහ සේනක සිල්වා යන මහත්වරුන්ට එම අධිචෝදනා කියවා දීමද අද සිදුකෙරුණා. රජයේ ජ්‍යෙෂ්ඨ නීතීඥ දමිත් තොටවත්ත මහතා පැවසුවේ අධිචෝදනා පත‍්‍රයේ දෝෂ කිහිපයක් ඇති බවයි. ඒවා නිවැරදි කිරීම විවෘත අධිකරණයේ දීම සිදුවූ බව THE TRUTH වාර්තාකරු පවසනවා.
0 comments:
Post a Comment