ජැමෙයිකානු නවක ක‍්‍රීඩක යොහාන් බ්ලේක්ට පිට පිටම දෙවරක් පරාජය වුව ද ඔලිම්පික් හීදි යළි ප‍්‍රබලව දක්‍ෂතා අතරට පිවිසෙන බව උසෙයින් බෝල්ට් පවසනවා. මීටර් 100 සහ 200 ඉසව්වේ ඔලිම්පික් ශූරයා මෙන්ම ලෝක වාර්තා ලාභියා ද වන බෝල්ට් ජැමෙයිකානු ඔලිම්පික් තේරීම් තරගවලදී මෙම පරාජයන්ට මුහුණ දුන්නා. ඔහු ඉකුක් සෙනසුරාදා මීටර් 100 ඉසව්වේ දි යොහාන් බ්ලේක්ට පරාජය වීමෙන් අනතුරුව බොහෝ විචාරකයින් පැවසුවේ මීටර් 200 ඉසව්වේ ජයග‍්‍රහණය නිසැක වශයෙන්ම බෝල්ට් හිමිකර ගනු ඇති බවයි. එහෙත් එම අනාවැකි පුස්සක් බවට පත් කරමින් යොහාන් බ්ලේක් ඊයේ(ජුලි 02) පැවති මීටර් 200 තේරිම් තරගය තත්ත්පර 19.8 කින් නිම කරමින් ජයග‍්‍රහණය ලබා ගත්තා. ඉන් අනතුරුව බෝල්ට් කියා සිටියේ ඔලිම්පික් ක‍්‍රීඩා උළෙලේ ආරම්භයට තවත් සති 03 ක් ඇති බැවින් එය යළි දක්‍ෂතා අතරට පිවිසීමට ප‍්‍රමාණවත් බවයි.
මේ අතර විචාරකයින් පවසන්නේ පිරිමි කෙටි දුර ධාවන ඉසව් දෙකේම ඔලිම්පික් රන් සහ රිදී පදක්කම් දෙකම මෙවර ජැමෙයිකාවට හිමිවනු ඇති බවයි.
0 comments:
Post a Comment