නව නිළධාරීන් පත්වීමෙන් අනතුරුව එක්සත් ජාතික පක්ෂයේ කෘත්‍යාධිකාරී මණ්ඩලය ප‍්‍රථමවරට අද (ජන 16) රැස්වනවා. ඒ, නායක රනිල් වික‍්‍රමසිංහ මහතාගේ ප‍්‍රධානත්වයෙන්. පක්ෂයේ සභාපති පාර්ලිමේන්තු මන්ත‍්‍රි ගාමිණි ජයවික‍්‍රම පෙරේරා මහතා පැවසුවේ පවතින පුරප්පාඩු සදහා පුද්ගලයන් පත්කිරීම ද මෙහිදී සිදුවන බවයි. ආණ්ඩුවට එරෙහි ශක්තිමත් විපක්ෂයක් බිහිකිරීම සදහා ගතයුතු ඉදිරි ක‍්‍රියාමාර්ග සම්බන්ධයෙන් ද සාකච්ඡා කරන බව ප‍්‍රකාශ කෙරුණා. පක්ෂයේ සමගිය ආරක්ෂා කිරීම ද සාකච්ඡුාවලට මාතෘකාවක් වනු ඇති. දේශපාලන ආරංචි පවසන්නේ ඇතැම් සාමාජිකයන්ගේ විනය විරෝධි ක‍්‍රියාකාරකම් සම්බන්ධයෙන් ද අද රැස්වන කෘත්‍යාධිකාරී මණ්ඩලය සාකච්ඡා කරන බවයි. නියෝජ්‍ය නායක සජිත් පේ‍්‍රමදාස සහ පාර්ලිමේන්තු මන්ත‍්‍රි දයාසිරි ජයසේකර යන මහත්වරුන්ගේ සාමාජිකත්වය අත්හිටුවා විනය පරීක්ෂණයක් පැවැත්වීමට වූ යෝජනාවක් ද කෘත්‍යාධිකාරී මණ්ඩලයට ඉදිරිපත්වීමට ඉඩ ඇති බවයි දේශපාලන ආරංචි වැඩිදුරටත් පැවසුවේ.
0 comments:
Post a Comment