සරත් ෆොන්සේකා මහතා සම්බන්ධයෙන් අනුගමනය කෙරෙන නීතිමය කි‍්‍රයාමාර්ග කෙරෙහි විමසිල්ලෙන් පසුවන බව අමෙරිකාව පවසනවා. අමෙරිකාවේ රාජ්‍ය දෙපාර්තමේන්තුවේ ප‍්‍රජාතන්ත‍්‍රතවාදය පිළිබඳ කාර්යංශයේ සහකාර රාජ්‍ය ලේකම් මයිකල් එච්. පොස්නර් මහතා මාධ්‍ය හමුවකදී මේ බව කියා සිටියා. ඒ සරත් ෆොන්සේකා මහතා නිදහස් කිරීමට මැදිහත් වන්නැයි ඉල්ලා ඉකුත්දා අන්තර්ජාලයෙන් අත්සන් තැබුණු පෙත්සමක් පිළිබඳ මාධ්‍යවේදියෙකු කළ විමසීමකදීයි. පොස්නර් මහතා එහිදී පැවසුවේ ෆොන්සේකා මහතා පළමුවරට අත්අඩංගුවට ගත් දිනයේ සිට මේ දක්වා ඔහු මුහුණ දුන් සිදුවීම් සමීපව නිරීක්ෂණය කර ඇති බවයි. එසේම 2010 වසරේ නිකුත් කරන ලද වාර්තාවකින් ඔහු දේශපාලන සිරකරුවෙකු ලෙස අමෙරිකාව විසින් පිළිගෙන ඇතැයිද සහකාර ලේකම්වරයා කියා සිටියා.
0 comments:
Post a Comment