ගයාන් පෙරේරා විසින් ගායනා කරනු ලබන ” ටිකෙන් ටික ” ගීතය සම්බුද්ධ දේශනාවන්ට නිග‍්‍රහයක් බව දක්වමින් සුනේත‍්‍රාදේවී ජාත්‍යන්තර බෞද්ධ මධ්‍යස්ථානයේ පූජ්‍ය මහමීතව පඤ්ඤාරතන හිමියන් 2600 වන ශ‍්‍රී සම්බුද්ධත්ව ජයන්ති ජනාධිපති මෙහෙයුම් කමිටුවට ලිපියක් යවා තිබෙනවා. එහි දක්වා ඇත්තේ තරුණ යුවළකගේ මධුසමය අළලා නිර්මාණ කර ඇති ටිකෙන් ටික ගීතයේ දී ”භවතු සම්බ මංගලම් ” ආදී වූ ගාථාව විකෘති කර යොදා ගෙන ඇති බවයි. එම ගීතය අන්තර්ජාලයට මුදාහැර ඇතැයි ද ඒ නිසා සැදැහැවත් බෞද්ධයන් මානසික පීඩාවකට ලක්ව සිටින බව ද පෙන්වා දී තිබෙනවා. සම්බුද්ධ දේශනාවන්ට නිග‍්‍රහ කෙරෙන මෙවැනි නිර්මාණ මීට පෙර ද එළිදක්වා ඇති බවයි වැඩිදුරටත් පෙන්වා දී තිබෙන්නේ. එහෙත්, ඒ සම්බන්ධයෙන් කිසිදු බළධාරී පාර්ශවයක් ප‍්‍රමාණවත් අවධානයක් යොමු කර නැතැයි චෝදනා කර තිබෙනවා.
0 comments:
Post a Comment