ආසියානු කුසලාන එක්දින කි‍්‍රකට් තරගාවලිය සඳහා ශී‍්‍ර ලංකා සංචිතය ප‍්‍රකාශයට පත්කර තිබෙනවා. සී.බී. කුසලාන තුන්කොන් තරගාවලියට සහභාගි වී සිටින රංගන හේරත් එම සංචිතයට එක්කර නැහැ. සුරංග ලක්මාල් සහ සීකුගේ ප‍්‍රසන්න සංචිතයට එක්කර තිබෙනවා. නායකයා ලෙස නම් කර සිටින්නේ මහේල ජයවර්ධනයි. ඇන්ජලෝ මැතිව්ස් උපනායකයා වනවා. තිලකරත්න ඩිල්ෂාන්, උපුල් තරංග, කුමාර් සංගක්කාර, දිනේෂ් චන්දිමාල් සහ ලහිරු තිරිමාන්න යන කී‍්‍රඩකයන්ද සංචිතයට ඇතුළත්. ආබාධයන්ට ලක්ව සිටින ෆර්වීස් මහරුෆ් සහ තිසර පෙරේරාද සංචිතයට අතුළත්ව සිටිනවා. සෙසු කී‍්‍රඩකයන් වන්නේ සචිත‍්‍ර සේනානායක නුවන් කුලසේකර, සහ ලසිත් මාලිංගයි.
ඉන්දියාව, පකිස්තානය සහ බංග්ලාදේශය ආසියානු කුසලාන එක්දින කි‍්‍රකට් තරගාවලියට සහභාගි වන සෙසු කණ්ඩායම් වනවා. තරගාවලිය ආරම්භවීමට නියමිතව තිබෙන්නේ ලබන 11 වැනිදායි.
0 comments:
Post a Comment