තිස්සමහරාම දෙබරවැව මහජන කී‍්‍රඩාංගණයේදී අනිද්දා පැවැත්වීමට නියමිත ජනතා විමුක්ති පෙරමුණේ මහා සමුළුව වාරණය කරන්නැයි කෙරුණු ඉල්ලීමක් කොළඹ දිසා අධිකරණය අද ප‍්‍රතික්‍ෂේප කළා. එම ඉල්ලීම කෙරුණේ ජනතා විමුක්ති පෙරමුණේ කැරළිකාර පාර්ශ්වය නියෝජනය කරන පාර්ලිමේන්තු මන්ති‍්‍ර අජිත් කුමාර සහ ජී. කුලරත්න මහත්වරුන් විසින්. එය විභාගයට ගන්නා අද දින කොළඹ දිසා අධිකරණයේ පෙනී සිටින්නැයි ජනතා විමුක්තිි පෙරමුණේ නායක සෝමවංශ අමරසිංහ මහතා ඇතුළු විසි දෙදෙනෙකුට නියෝග කර තිබුණා. එහෙත් ඔවුගෙන් කිසිවෙකු අධිකරණයට පැමිණ සිටියේ නැහැ. ඔවුන් වෙනුවෙන් පෙනී සිටින නීතිඥයන් අධිකරණය හමුවේ කරුණු දැක්වුවා.
මේ අතර පැමිණිල්ල වෙනුවෙන් පෙනී සිටි නීතිඥ ෆයිසර් මුස්තාෆා මහතා පැවසුවේ ජනතා විමුක්ති පෙරමුණේ මධ්‍යම කාරක සභාවට සාමාජිකයන් 226 දෙනෙකු අලූතින් බඳවාගෙන ඇති බවයි. එම බඳවා ගැනීම් නායකත්වය විසින් අත්තනෝමතිකව සිදුකර ඇතැයිද චෝදනා කෙරුණා. අනිද්දාට නියමිත මහ සමුළුව සංවිධාන කෙරෙන්නේ ඔවුන් යොදා ගනිමින් බවටයි වැඩිදුරටත් චෝදනා කෙරුණේ.
0 comments:
Post a Comment