පළමු ශ්‍රේණියට ළමයින් ඇතුළත් කර ගැනීම සඳහා මුදල් අය කෙරුණු අවස්ථා සම්බන්ධයෙන් පැමිණිලි භාර ගැනීමට බස්නාහිර පළාත් සභාව ඊයේ සිට විවෘත කළ දුරකතන අංක දෙකට මේ දක්වා පැමිණිලි 15ක් ලැබී තිබෙනවා. 011 2 698 410 සහ 0 759 22 23 00 එම දුරකතන අංකයි. මීට අමතරව 071-44 031 24 යන දුරකතන අංකයද පැමිණිලි භාර ගැනීමට අද සිට විවෘත කරන බව බස්නාහිර පළාත් සභාව පවසනවා. දැනට ලැබී ඇති පැමිණිලි සම්බන්ධයෙන් විමර්ශන ආරම්භ කර ඇති බවයි වැඩිදුරටත් ප‍්‍රකාශ කෙරුණේ. කොට්ටාව ධර්මපාල, හොරණ තක්ෂිලා සහ කොටහේන ශාන්ත ලූසියා චෝදනාවට ලක්ව ඇති පාසල් කිහිපයක්. බස්නාහිර පළාත් සභාවෙන් පිටත පාසල් සම්බන්ධයෙන්ද පැමිණිලි ලැබෙමින් ඇතැයි ප‍්‍රකාශ කෙරුණා. එහෙත් ඒවා සම්බන්ධයෙන් විමර්ශනය කිරීමට බස්නාහිර පළාත් සභාවට බලය නැහැ.
0 comments:
Post a Comment