දක්ෂිණ අධිවේගී මාර්ගයේ සුඛෝපභෝගී බස් රථ ධාවනය අද ආරම්භ කෙරුණා. මහරගම සහ ගාල්ල අතර මෙම බස් රථ ධාවනය කෙරෙන බවයි ප‍්‍රවාහන අමාත්‍යංශය ප‍්‍රකාශ කළේ. පෙරවරු හයේ සිට පස්වරු පහ දක්වා මෙම බස් රථ ධාවනය කෙරෙනු ඇති. මහරගම බස් නැවතුම්පොළෙන් ගමන් ආරම්භ කරන බස් රථ ගාල්ල බස් නැවතුම්පොළ දක්වා ගමන් කරනවා. ගාල්ල බස් නැවතුම්පොළෙන් ගමන් ආරම්භ කරන බස් රථ මහරගම බස් නැවතුම්පොළ දක්වා ගමන් කරනු ඇති. ලංකා ගමනා ගමන මණ්ඩලයේ සභාපති එම්.ඞී. බන්දුසේන මහතා ප‍්‍රකාශ කළේ අධි සුඛෝපභෝගී බස් රථ මේ සඳහා යොදාගෙන ඇති බවයි.
0 comments:
Post a Comment